اهمية سلاسل الامداد 

اهمية سلاسل الامداد

سلاسل الإمداد كانت موجودة طول ماكان فيه موردين وعملاء .. ولكن تطور مفهوم اهمية سلاسل الامداد لتحقيق ميزة تنافسية بقاله فترة مش كبيرة وحتى مصطلح سلاسل الإمداد نفسه أصبح موجود بس مع نهاية القرن العشرين.

سلاسل الإمداد من أهم الموضوعات في وقتنا الحالي ومن الأتشطة اللي بيزيد نطاقها وبتتطور بسرعة كبيرة جدا

سلاسل الإمداد زي غيرها من الظواهر اللي بتحصل دلوقتي بتعكس التطور في العلوم والتكنولوجيا والهندسة والاتصالات و ما يسمى (العولمة).

ولكن بردو زيها زي ظواهر القرن ال21 جراحة المخ والأعصاب أو علم الصواريخ سلاسل الإمداد مش بالشيئ البسيط أبدا اللي ممكن تستهين بيه وبيتطلب إنتباه مستمر لكل حاجة فيها.

 سلاسل الإمداد حاليا تعتبر قمة العلوم الإدارية لإدارة الموارد للشركات وحتى للدول وفيه أسباب كتير أظهرت ضرورة وجود سلاسل الإمداد منها:

تكلفة سلاسل الإمداد بتوصل ل80% من تكلفة البضاعة المباعة ودي من الأسباب اللي دفعت الشركات للبحث المستمر عن تحسين التكاليف بدون التضحية بالجودة العالية وظهور مفاهيم الجودة الحديثة أصبح بيساهم شوية في عمل التوازن المطلوب لكن مش بالقدر الكافي.

الطلب باستمرار لمعدلات عائد على الاستثمار أعلى من قبل كدة خلق ضغط من المستثمرين على الشركات والدول وتسبب بضياع الاستثمارات لأن فيه دول تانية بتقدم معدلات أعلى وفي وقت أسرع.

سلاسل الإمداد بتوفر فرص وصول أسرع للأسواق من المنافسين وزيادة النمو ودا مهم جدا واللي شغالين في التسويق عارفين أهمية النقطة دي.

حجم التجارة الدولية والتبادل السلع والخدمات بين دول العالم بيتسارع بصورة كبيرة جدا والدول اللي لا تمتلك بنية تحتية تسهل الحركة التجارية بكل بساطة هتكون خارج المنافسة ومنعزلة عن العالم. 

أصبح مسؤلين التخطيط في سلاسل الإمداد عليهم مسؤلية تطوير البنية التحتية بصورة تتناسب مع حجم التبادل التجاري المتوقع مع الدول التانية بتكلفة فعالة بالأدوات المتاحة بأفضل صورة في الوقت المناسب.

تحقيق الاستدامة وزيادة المسؤلية المجتمعية للشركات.

تعديل استراتيجية اللوجستيات باستمرار عشان تتماشى مع التغير المستمر بيعمل مشاكل مستمرة وبيرسل إشارات عكس بعضها للعاملين بالمجال ودا خلى المدراء سلاسل الإمداد يبتكروا طرق جديدة لتحقيق المرونة بالتكلفة المناسية.

الإنترنت ووسائل الاتصال الإلكترونية خلت المنافسة عبارة عن ضغطة ماوس ومفيش شركة حاليا اسمها عندها منافس محلي بس … المنافسة أصبحت عالمية.

دورة حياة المنتجات من مراحل البحث والتطوير والنمو والنضج وفي النهاية الإنحدار أصبحت بتقل بصورة كبيرة لأن المصنعين والمسوقين أصبح عندهم بيانات لأذواق العملاء والتغير في التكنولوجيا أسرع من قبل كدة.

بحث الشركات باستمرار عن الميزة التنافسية زي أسعار أقل أو جودة أعلى … إلخ ساهم في تعاظم دور سلاسل الإمداد.

سلاسل الإمداد حاليا تعتبر من أهم الأصول والثروات اللي بتمتلكها الدول واليابان خير مثال في إنها قدرت تكون من أقوى المصنعين في العالم حتى مع قلة الموارد طبيعية عندها واللي تكاد تكون غير موجودة .. والتحدي كان إنها تروح تجيب المواد الخام من آخر العالم لليابان وتصنعها وبعدين ترجع تصدرها للدول التانية بأسعار تنافسية وجودة عالية جدا.

الشركات لازم تتخصص في سلاسل الإمداد وتحاول توظف المحترفين في المجال وتسمح ليهم بتغيير أنشطة الشركة المختلفة عشان تعمل شغلها بصورة أسرع وأفضل وأقل تكلفة

Summary
User Rating
4.5 based on 18 votes
Provider Name
hpa,
cairo, Telephone No.(+202) 26903875
Area
EGYPT