تحديد سلوك عملائك  

Customer Psychology 

دايماً بنلاقي مصلح الـCustomer Psychology مرتبط بالMarketing, و ده شئ طبيعي لأن علشان التسويق ينجح لازم تدرس سيكولوجية العميل لان تحديد سلوك عملائك شئ مهم علشان تقدر توصلهم رسالتك بالطريقه المناسبه ليهم.

بشكل بسيط سيكولوجية العميل هي دراسه بتقوم على معرفة ايه الدوافع اللي بتشجع العميل على الشراء, او ايه اللي بيجذب العميل لتفضيل علامة تجارية عن غيرها. و نتيجه لكده تقدر تفهم دماغ العميل وتبقي قادر اكتر علي تحديد سلوك عملائك و تقدر تجذبه للمنتج او الخدمه اللي بتقدمها بشكل افضل.

ازاي بتتم دراسة سيكولوجية العميل – Customer Psychology :

  • عمل ابحاث السوق – Market research:

المتخصصين في مجال الCustomer Psychology بيقضوا وقت طويل في دراسة السوق و المستهلكين, تحديد الجمهور المستهدف و فهم دوافعه و تحديد خصائصه زي متوسط الاعمار و الحاله الاجتماعيه و المستوى الاقتصادي و بعدهي يبدأ في تحديد افضل طريقه للوصول للعميل.

  • تطوير رسائل التسويق:

في المرحله دي بيبدأ الباحثين في دراسة كيفية تطوير رسائل التسويق و تعديلها بشكل يناسب طبيعة و خصائص العملاء المستهدفين.

  • دراسة سلوكيات العملاء:

و ده بيكون من خلال الاستطلاعات و الاستبيانات و الاسئله المباشره للعملاء و ده بيكون بهدف التعرف بشكل اكتر على طبيعة العميل و كيفية التأثير على سلوكه الشرائي.

و الأمر بيكون صعب لو هتقوم بتطبيقه على مجموعات كبيره و بيفضل انه يتم على عينات اصغر لتقديم بيانات اوضح و اكثر دقه.

  • مراقبة سلوك العميل اثناء الشراء:

مراقبة عينه من المستهلكين و لمعرفة كيفية تفاعلهم مع منتجك, مثال لو عملية الشراء بتكون Online تقدر تعرف طريقة تفاعل الجمهور من خلال طرح سؤال عن الخدمه في الWebsite و اذا كان في اي عوائق او مشاكل واجهتهم اثناء عملية الشراء.

هيبدأ العملاء يوضحولك مشاكلهم مع الWebsite مثلاً انه نسخة الموبايل مش شغاله او التأخير في تحميل الصفحات و المشاكل المتكررة بتبدأ تحلها.

بشكل عام التسويق بيتم لجذب العميل, و سيكولوجية العميل هي اللي بتعرفك افضل وسيلة تجذب بيها العميل و لو اتبعتها بتضمن بشكل كبير وصول رسالتك التسويقيه بشكل يأثر في العميل تأثير ايجابي.

اعرف اكتر عن سيكولوجية العميل

و سجل معانا في دبلومة التسويق اللى هتدرس فيها جزء كامل عن سلوك و نفسية العميل و ازاي تستغلها في عمل خطط تسويقية صحيحة.