ازاي تدير موظفينك و هما في البيت ؟

Home/Posts/Blogs/Management/ازاي تدير موظفينك و هما في البيت ؟

ازاي تدير موظفينك و هما في البيت ؟

في الفترة دي موظفين كتير شغالين من البيت، كل واحد عارف شغله و بيعمله من بيته بشكل طبيعي جداً، طيب و المدير المسئول عن الموظفين دول بيديرهم ازاي ؟ بيتواصل معاهم ازاي ؟ بيشجعهم و يساعدهم و ينبههم ازاي ؟

لو انت مدير و موظفينك بيشتغلوا من البيت بسبب الكورونا Covid-19 هنديلك شوية نصايح تساعدك في ادارة الموظفين عن بعد :

  • موظفين كتير لما بيشتغلوا من البيت بيجيلهم احساس بالعزله بيصعب الشغل عليهم و موظفين تانيين بيحسوا بالتحرر و انهم بيشتغلوا اسهل و اسرع، في موظفين بيحبوا يسهروا يشتغلوا و موظفين بيقدسوا مواعيد الحضور و الانصراف، دورك انك تقبل اختلاف طبيعة كل موظف عن الاخر و تتواصل مع كل واحد بشكل فردي يحسسه بالاهتمام و انه لازال فرد من مؤسسه كبيرة و يسهل عليك كمان كتابعة النتائج و النعرف على طبيعة كل موظف و التعامل معاها علشان توصل لأفضل النتائج.
  • حسس الموظفين دايماً بالثقة و انهم مش محتاجين مراقبة و ان كل فرد بيشتغل من بيته انت متأكد انه هيقدر يعمل شغله بمنتهى الاحترافية و الاخلاص، اتفق على مهام محددة و قابلة للقياس بشكل اسبوعي علشان تقدر تكون متابع النتائج بشكل مستمر منغير م هما يحسوا بالمراقبة.

  • في اوقات العمل تأكد انك قادر تتواصل مع موظفينك و انهم حتى و هما في البيت موبايلاتهم و ايميلاتهم متاحه في اوقات العمل علشان لو ف اي شغل محتاجه تكون واثق انك هتقدر تتواصل معاهم.
  • برامج الـOnline conference سهلت جداً فكرة الشغل من البيت لأنك ببساطه تقدر تعمل اجتماع لكل موظفين الشركة اونلاين صوت و صورة تشرح فيه كل اللي محتاجه كأنهم بيشتغلوا من الشركه، فخليك حريص انك تستغل ميزة الـOnline conference .

في النهاية لازم تعرف ان الشغل من البيت مش مناسب لكل الناس، فأنا شخص Productive جداً و بقدر اركز اكتر و انا بشتغل من البيت و غيري من الموظفين المتميزين جداً في شغلهم بيفضلوا الشغل من الشركة و لكن في النهاية الظروف خلتنا نضطر نشتغل من البيت و دورك انك تقدر تدير كل موظفينك و هما في البيت و تتفهم طبيعتهم

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.

Related Blogs

2020-03-25T12:18:15+00:00March 25th, 2020|Categories: Blogs, Management|Tags: |