ازاي تبقى مدير في 10 خطوات

Home/Posts/Blogs/Management/ازاي تبقى مدير في 10 خطوات

ازاي تبقى مدير في 10 خطوات

حلمك تبقى مدير؟  عايز تترقى في اسرع وقت؟ نفسك يبقى عندك سلطة و يبقى في موظفين بدرجات اقل منك تتحكم فيهم و ينفذوا اوامرك؟ اشتري كتاب ازاي تبقى مدير في 10 خطوات .. لأن في النهاية ” لا الكتاب هيكلع مفيد ولا انت عمرك هتبقى مدير” ليــــــه؟

انا هقولك ليه, ببساطة كونك تبقى مدير هو تطور طبيعي لكثير من الوظائف اللي بتحصل عليه لو تميزت عن غيرك, طيب و تتميز ازاي ؟

سيب كتاب ازاي تبقى مدير في 1 خطوات ده و ركز معايا.

الادارة علم كبير و في حاجات كتير محتاج تعرفها علشان تساعدك تبقى مدير, و مش بس مدير لكن “مدير ناجح” تسيب اثر و تفيد مؤسستك و تقدر تخلي موظفينك يحترموك و ينفذوا رغباتك.

و المهارات القيادية بتلعب دور كبير جدا في التطور الوظيفي, ده طبعاُ بالاضافة للمهارات الفنية, فالمهالاات الفنية بتساعدك تعمل شغلك و لكن المهارات القيادية و الـ Soft skills بتساعدك تدير الشغل و تنفذه باحترافية اعلى, و بكدة تقدر توصل لأعلى المناصب في شغلك.

و علشان كدة انا هقولك على شوية خطوات هتساعدك تنمي مهارات القادة عندك:

  • خد المبادرة :

اغلبية المديرين بيوزعوا المهام المطلوبه على الموظفين الي هما عارفين انهم يقدروا ينفذوا المهام دي, فمن المهم انك تطوع و تكون مبادر انك تقوم بمهام بتتجاوز منصبك الحالي, و ركز على المهارات اللي ممكن تتعلمها من مهام خارج نطاق عملك الاساسي.

و دايماُ خليك فاكر, كل ما شغلك زاد كل ما اتعلمت اكتر, و معرفة و تحمل مسؤلية حاجات اكتر هيساعدك في النهاية انك تتولى دور قيادي في مؤسستك.

  • التفكير النقدي :

علشان تترقى و تبقى في مركز كويس هتحتاج تكون مفكر حاسم, فالقادة المحترفين بيتوقعوا المشاكل المحتملة قبل ما تحصل, و بيقدروا يطوروا الخطط و الاستراتيجيات علشان يمنعوا حدوث المشاكل دي من الاول,  و اكيد بيدركوا كمان الفرص و المكاسب المحتملة علشان يقدروا يستفيدوا و يفيدوا شركتهم و موظفينهم.

  • الاستماع بفعالية :

واحدة من أهم المهارات للقائد هي الاستماع. منغير مهارات الاستماع  مش هتقدر تعرف اراء و تعليقات اللي حواليك, ولا هتعرف ايه اللي عاجب الموظفين او مش عاجنهم في المشاريع او المهام اللي بيقوموا بيها.

ردود الفعل هي المفتاح دايماُ.و علشان تستمع بفعالية ، هتحتاج إتحافظ على الـ Eye contact، وتجنب التشتيت والاستجابة بشكل مناسب. و حط في اعتبارك أن التواصل مش مجرد اتصال شفهي. خليك فاهم في لغة الجسد والإيماءات لتحديد اللي الناس بتقوله فعلاُ.

دي بعض المهارات و مش كلها, في الـ Blog الجاية هنتكلم عن باقي المهارات دي, و من دلوقتي لحد المعاد الـ Blog الجاية شاركونا بالمهارات الاساسية في رأيكم علشان تبقى مدير ناجح.

للمزيد من المعلومات  سجل معنا الان في برنامج New Manager  المقدم من   CMI, Chartered Management Institute  بانجلترا لدراسة كافة اساليب الادارة الحديثة بشكل تفصيلي فى hpa.

2020-02-12T10:03:59+00:00February 12th, 2020|Categories: Blogs, Management|Tags: |