الموظف السيئ

الموظف السيئ لو موجود في شركتك يبقي شركتك بتنهار!!!

النوع ده من الموظفين سم في مكان العمل !! يعني دائما بينتقد الادارة و دائما بينتقد زملاءه لو حسبت كمية الكلمات السلبية اللي بيتكلم بيها هتكون في الاغلب 75% من كلامه المشكله مش ان سلبيته بتاثر عليه بس , لا دي بتأثر علي زمايله وفي الاغلب بيكون سبب في هجر زملاءه للعمل وبيكون سعيد بنشر الفكرة و يحس زمايله علي فكرة الرحيل والانتقام … طيب موظف بالسوء ده المفروض تتعامل معاه ازاي؟

احيانا كتير بيكون تركيز الادارة مع الموظفين والاهتمام بيهم شئ مهم لاصلاح سلوكهم السام من خلال نهج صحيح واسلوب إدارة مناسب لتحقيق اهداف الشركة واستغلال امكانياتهم

ودي  بعض الامثله من الموظفين الذي قد تواجههم في مكان عملك وازاي تتعامل معاهم :الموظف السئ

 Egomaniacs او المغرورين: النوع ده شايفين انهم صح دايما و مش بيقبلوا النقد البناء او الاراء المخالفة لرايهم و من الطبيعي هتلاقي كلامهم كله علي نفسهم و بطريقة غروريه بحته وان هم الاهم بالشركة و بيكونوا سريعين الغضب

 ولكن مع بعض الحيل النفسية ، هتكون قادر بشكل أفضل على التعامل مع اصحاب النظر المتمحور حول الذات في العمل.

HRC

كيف تتعامل معهم ؟

للأسف معظم الـEgomaniacs صعب انهم يتغيروا, فالتحدي هنا هو خلق توازن يخليهم يركزوا على نفسهم من غير ميأثروا تأثير سلبي على اللي حواليهم.

لو كان الموظف المغرور اللي عندك موهوب فعلاً, اخلقله مجال يخليه يشتغل لوحده و يتفاعل بشكل محدود مع الموظفين اللي معاه, و لو لاحظت ان تأثيره السلبي مستمر ممكن تستغنى عنه تجنباً للمشاكل.

الموظف السئ

The invisible او الموظف الغير مرئي, فهو موظف بمجرد ما تطلب منه شغل هتلاقيه عيان, او مسافر, او مش هيقدر يجي, او بيحاول يديه لأي زميل تاني يخلصه.

الموظف الغير مرئي ده معندوش اي طموح, مبيحلمش انه يكبر في مجاله و معندوش مشكله ان شغله يقوم بيه اي شخص اخر المهم انه يهرب من الشغل بأي شكل

كيف تتعامل معهم ؟

لازم تتكلم معاه بصراحه, تحاول تفهم سبب انعدام حماسه, هل في منصب او مجال تاني شايف انه هيأدي فيه بشكل افضل, ولا هو عنده مشكله معينه ينفع تتحل, جايز المشكله تتحل و يستعيد حماسه و تكون كسبت موظف جديد.الموظف السئ

The two-faced او ذو الوجهين, أكبر مشكلة مع الموظف ذو الوجهين هي أنه من الصعب اكتشافه اصلاً لأنه طول الوقت بيتصنع الود و الحب و الاجتهاد, و دايماً بيسمع اللي حواليه و لمشاكلهم, و بعدين يبدأ يقلب الموظفين على بعض بشكل غير مباشر و صعب يتلاحظ.

كيف تتعامل معهم ؟

لو قدرت توصل للشخص ده خليه دايماً تحت عنيك, و تابع تصرفاته و لو وجدته موهوب و تصرفاته مفيش منها ضرر سيبه لكن خليك دايماً متابعه, و لو كان ليه تأثير سلبي على زملائه و بيخلق بيئة عمل سيئه و بينشر الكراهيه بين فريق العمل غالباً هتحتاج انك تستغنى عنه.

و لأننا عارفين ان تعيين موظف امر مش سهل hpa بتوفر لشركتك خدمة الـrecruitment اللي من خلالها هنتحمل احنا كل عملية التوظيف بداية من نشر الوظيفه  واجراء المقابلات لحد ما نوصلك افضل الكوادر المختاره  والمناسبة لبيئة العمل الخاصة بشركتك و بنفضل مسئولين لمدة 3 شهور عن الموظفين و مسئولين عن إيجاد بدائل في حالة عدم استمرارية الموظف او عدم كفائته.